Travel

नवी दिल्ली : (सद्वार्ता) खाद्यपदार्थांपासून पेट्रोल-डिझेलपर्यंत वाढत्या महागाईचा परिणाम आता विमान प्रवासावरही दिसून येत आहे. इंडिगोने देशांतर्गत विमानसेवांशी संबंधित अनेक अतिरिक्त सेवांच्या शुल्कात वाढ केली आहे. यामध्ये शिशू तिकीट, अतिरिक्त बॅगेज, प्राधान्य चेक-इन व बोर्डिंग तसेच एकट्याने प्रवास करणाऱ्या मुलांसाठी आकारण्यात येणारे शुल्क यांचा समावेश आहे. शिशू तिकिटाच्या शुल्कात वाढ तीन दिवसांपासून दोन वर्षांपर्यंतच्या मुलांसाठी आकारण्यात येणाऱ्या शिशू शुल्कात वाढ करण्यात आली आहे. ऑनलाइन बुकिंगसाठी हे शुल्क ₹2,000 वरून ₹2,250 करण्यात आले आहे. तर विमानतळावरील काउंटरवरून बुकिंग केल्यास शुल्क ₹2,500 वरून ₹3,000 झाले आहे. शिशूसाठी विमानात स्वतंत्र आसन दिले जात नाही. मूल आई-वडिलांच्या मांडीवर प्रवास करते. अतिरिक्त बॅगेजही महागले एअरलाइनने अतिरिक्त बॅगेजच्या शुल्कातही बदल केला आहे....